هاتيلي يا ست اسبوعك

وهاتي فيه تاريخ فاضي

ويوم نفتح ف موضوعك

ونرجع تاني بالماضي 

،،،،،،،،،،،،،،،،،،،،،،،،،،

مفيش ولا يوم علي الجدول

الاقي نفسي وياكِ

خلاص القلب متبهدل

وحضن يضم ذكراكِ

،،،،،،،،،،،،،،،،،،،،،،

ولما احب نتعاتب

تقولي ولادنا والعيشه

وابص لنفسي واعايب

ويبقي غرامي تحويشه

،،،،،،،،،،،،،،،،،،،،،

يا واثقة تملي من نفسك

وعارفه اني راح اصونك

ومهما بعدتي بملامحك

بكون عل العهد ولا اخونك

،،،،،،،،،،،،،،،،،،،،،،،،،

دنا انسان وليه طاقة 

وياما شيطاني كلمني

وبُعدك عني ده اساءة

بلاش الفكر يغلبني

،،،،،،،،،،،،،،،،،،،،،،،

حريم الانس فيه الوان 

كأنه سوق من الفاكهه

بلاش تسبيني للعدوان

واجرب لذة الناكهه

،،،،،،،،،،،،،،،،،،،،،،

طريقي تملي فيه نسوان

بتشبه صحرا عطشانه

ولو سبتيني للادمان

هتفضل نفسي مشتاقه

،،،،،،،،،،،،،،،،،،،،،،

فأنا دلوقتي برجوكي

تبصي تاني للجدول

وتاخدي تحويشة شوقي

قبل ما حالي يتبهدل

ـــــــــ

احمدرمضان