قوليلي يا امي

 لية البشر خاينين

وداسو علي حلمي 

والفرح فيا حزين

..................

قوليلي ليه الناس

اشباه لبني ادمين

ولما بعاشرهم 

تكبر جراحي سنين

.................

خديني ضميني 

نسيني نفسي كمان

دي دموعي علي عيني

فيها الاهات الوان

...................

بصرخ ومين سامع

ويطبطب الاوجاع

ده شبابي مش راجع

من بعدحلم اتباع

.................

يا قلبي يا مصدع

من دوشة الاوهام

ارجوك بلاش تسمع

من تاني اي غرام

...............

هشيل بإيدي تراب

وهعجنه بدموع 

وهسد بيه ودانك

يا قلبي يا موجوع

...............

ف يا مكسرين الضلوع

وسرقتو ف قلوبنا

وسبتو بصمه دموع

موجوده علي بابنا

..................

تمن الجراح مدفوع

كانت محبتنا 

نقفل بقي الموضوع

ومنكم ياما شربنا

ـــــــــــــ

احمدرمضان