ا
انا مش هفرض نفسي عليك
ولا هقعد اتزلل تاني
البعد بقي باين ف عنيك
وكأنك حابب تنساني
،،،،،،،،،،،،،،،،،،،،،،
ملعون الحب اللي يبهدل
ويخلي كرامتي كده تتهان
مش ممكن تاني انا هتحمل
خليك فاكر ان انا انسانه
،،،،،،،،،،،،،،،،،،،،،،
دنا كل ما اشوفك بجري عليك
وبهزر واضحك واتحايل
لكن انت القسوه ديما فيك
وياك البخت خلاص مايل
،،،،،،،،،،،،،،،،،،،،،،
لو فاكر ان مفيش غيرك
وعشانك قال انا باجري وراك
صدقني تفكيرك واهم
في غيرك قالي بموت ف هواك
،،،،،،،،،،،،،،،،،،،،،،
علشانك غمضت عيوني
ومشوفتش غيرك ادامي
وقفلت عليك اوي برموشي
لكن انت مصمم تنساني
،،،،،،،،،،،،،،،،،،،،،،
راح ييجي عليك يوم وتشوفني
مع واحد ايده ف اديا
وساعتها هتفوق من وهمك
انك مش وحدك ف الدنيا
،،،،،،،،،،،،،،،،،،،،،،،،
انا مش هفرض نفسي عليك
ولا هقعد اتذلل تاني
البعد بقي باين ف عنيك
وكأنك حابب تنساني
