مش عايز افرض نفسي عليك 

ولا هقعد اتذلل تاني 

البعد بقي باين ف عنيك

وكأنك حابب تنساني 

 <3 <3 <3 <3 <3 <3

ملعون الحب اللي يبهدل

ويخلي كرامتي كده تتهان

مش ممكن تاني انا هتحمل

خليك فاكر ان انا انسان 

<3 <3 <3 <3 <3 <3

دنا كل ما اشوفك بجري عليك

وبهزر واضحك واتحايل 

لكن انت القسوه باينه عليك

وياك البخت خلاص مايل

<3 <3 <3 <3 <3 <3

لو فاكر ان مفيش غيرك

وعشانك قال انا باجري وراك

صدقني تفكيرك واهم

في غيرك قالي بموت ف هواك

<3 <3 <3 <3 <3 <3

علشانك غمضت عيوني 

ومشوفتش غيرك ادامي

وقفلت عليك اوي برموشي

لكن انت مصمم تنساني

<3 <3 <3 <3 <3 <3

راح ييجي عليك يوم وتشوفني

مع واحد ايده ف اديا 

وساعتها هتفوق من وهمك 

انك مش وحدك ف الدنيا 

<3 <3 <3 <3 <3 <3 <3

مش عايز افرض نفسي عليك 

ولا هقعد اتذلل تاني 

البعد بقي باين ف عنيك

وكأنك حابب تنساني

ـــــــ

الشاعر:احمدرمضان

28/3/2015