**قــــــــر داتى و قــــــرد**بـقـلـــــم ا لـــشـــــــا عـــــــــر أ بـــــو عـــمـــــــــا ر ا لـــمــــصــــــــر ى**

قــــــــر داتى و قــــــرد

%%%%%%%

صـَرّيت الشمس ف حـُضـن سماكى
خــيــــــوط
وحـاربــت الـمـــــوت
وعملت بـرُزمـــة شرايـيـنـــى
سـِـكـَـــــــك
وبـعـَــضـم الشُّـهـدا الساكنين حواريكى
ألــف تـا بـــــــــوت
وناديت على صوتـِك لو يسمـَع
وناديت على قلبك
لو يفهـَـم
أو جايز لو حـَنّ ويـِخـشـَـع
ولا رَدّش صـــــوت
يـَمـِّمــت جفـاف الوقت بطـَمى الأرض
من بعد ما جـَفّ الريق مـِنـِّك
وفرشت حـَصـايـِر مسجد حـايـِـر
على أرضـِـك
بــالـطـــول والعـَــرض
ونـَدَهــت عـلـى الضـَّالّين فـيـكـــى
وندهت على الصـَّالحين فـيـكـــــى
ولـّيــت وشـِّى لقـِبلــة حـبـِّك
مالقيتشى القبلة ..ولا الـفـَـرض
وازاى نـِتــرَكـَّــع ؟
وأدانك لسـَّة ما جـاش دوره
وإمامك ناسى انه إمام
وديابة بتاكـُل فى حمام
والأسد المجروح فى عرينه
ركـِّبـتـــى على اكـتـافـُــه الـقِــرد
يا ام العجايب يا بـَلــد
غلّـبتى فيكى الـغــلابــة
عـَلّيتى راية الخسـيــس
دفـَنـتــى حـِلـــم الـطّــيــا بـــة
ولما جينا نشيعـُه
والظلم قلنا نودَّعـُـه
لقينا غول والمشنـقـَة
واقفين لنا
على كل حـَدّ
وتتوه يا صوت الأدان
وتضيع يا صوت الجرس
ورق الشجر دبلان
واللى فضل عـُــودُه
عـَشـِّش عليه الـغـُـراب
غـَوِّل عـلـيــه الـغـــول
ورقـَص علي حـِلـمـنــا
قـُــرداتـى شـَبــَه الـقـِــــرد
................
بـقـلـــــم ا لـــشـــــــا عـــــــــر
أ بـــــو عـــمـــــــــا ر ا لـــمــــصــــــــر ى