الشاعر محمد عبد القادر
نفسي يا أمى
نفسى يا أمى ....
أشيل الحزن منك ..
اتعب يوم عشانك
نفسى يا أمى ....
اعوضك زمانك
مين ياأمى هايبقى جنبى
بعد ما انتى تسيبينى
مين هايرحم تانى قلبى
مين هايمسح دمع عينى
دا الحياه بعدك ياغاليه
ينتهى منها الحنان
والقلوب هتعيش ضحيه
جوه سجن مالوش حيطان
انتى كل الدنيا ديا ...
انتى معنى الانسانيه
قلبى حاسس ياما بعدك
الزمن هيكون عليا
صدقينى بعدى عنك
عندى ده معناه انتحار
صدقينى لو فارقتك
صعب تانى اشوف نهار
مهما اقولك مش كفايه
حبى ليكى مالوش نهايه
كل ده والله مايسوى
لحظه واحده من حنانك
ربنا يحفظك يا أمى
الشاعر محمد عبد القادر
