جارى التحميل
استخدم زر ESC أو رجوع للعودة
د.محسن الشرقاوى
* العيد العالمى للمرأة *
اليوم العالمى أو العيد العالمي للمرأة .. هو اليوم الثامن من شهر مارس / آذار من كل عام .. وفيه يحتفل عالميًا بالإنجازات الاجتماعية والسياسية والاقتصادية للنساء .. وقد جاء هذا الأحتفال على إثر عقد أول مؤتمر للاتحاد النسائي الديمقراطي العالمي .. والذي عقد في باريس عام 1945 .. وكان أول احتفال عالمي بيوم المرأة .. غير أن تخصيص يوم الثامن من مارس كعيد عالمي للمرأة لم يتم إلا بعد سنوات طويلة بعد ذلك .. لأن منظمة الأمم المتحدة لم توافق على تبني تلك المناسبة سوى عام 1977 .. عندما أصدرت المنظمة الدولية قراراً يدعو دول العالم إلى اعتماد أي يوم من السنة يختارونه للاحتفال بالمرأة .. فقررت غالبية الدول اختيار الثامن من مارس .. والذى تحول إلى رمز لكفاح ونضال المرأة .. تخرج فيه النساء عبر العالم في مظاهرات للمطالبة بحقوقهن ومطالبهن .
*************************************
فى اليوم أو العيد العالمى للمرأة والذى يحتفل به فى 8 مارس من كل عام .. تطالب المرأة بحقها فى الشعور بالحب ..!! .. وتقول لكل رجل ظالم .. أو غير مدرك .. أو غافل .. (( مش عايزة منك حاجة .. غير أنك تحسسنى بحبك وتقديرك .. ))
قصيدة : مش عايزة منك حاجة ..!!
************************
مش عايزة منك حاجة .. غير كلمة واحدة بس ..
تقوللى بحبك .. مش كده والسلام تقولها بحس ..!!
طيب بلاش تقولها .. مش عايزة منك قولها ..
بس حسسنى بيها .. بمعناها وجمالها ... !!
بصراحة .. تعبت منك .. !!
وراحتى فى بعدى عنك ..!!
هو أنت عايز أيه ... والحب عندك أيه ...؟!! ..
بأديك أحلى سنينى .. وأنت بخيل كده ليه ..؟!
مليت من سهرى وحدى .. والليل بارد معدى ..
وأنا فكرى شارد فيك .. وف دنيا مش بتدى ..
هوه الجميل الطيب .. مش لاقى حظه ليه ..!!
الحب بتاع زمان .. نادر تانى تلاقيه .. ؟!!
أرجوك أنا صبرى راح .. أرجوك أنا صبرى راح ..
وماعادشى جوه قلبى .. حتة للجراح ... !!
ودى آخر كلمة منى .. ومفيش تانى كلام ..
أتحملتك كتير ... !!
لو كنت باقى عليه .. راجع نفسك تمام ..
ودا أنذارى الأخير ...!!
د. محسن الشرقاوى
* مارأيك أيها الرجل .. أليس من حق المرأة أن تعطيها هذا الحق .. الضرورى لأستمرار الحياة الجميلة .. كن لها قطرات ندى تتساقط على أوراقها الوردية لتحيى فى قلبها حب الحياة والعطاء .. !!
فى عيد المرأة عبر لها عن حبك .. ولاتجعلها تنتظر ..!!
