حقى يادنيا بقلم / عادل الشهابى

حقى يا دنيا
ليا حق عندك يا دنيا ولازم تدهولى .....
فيكى كتير يا دنيا ناس أساؤلى ....
وأنا اللى كنت بساعدهم وفى لحظه نسو دورى ..
يا دنيا نزلتى كتير دموعى ...
وياما تجاهلتى كتير موضوعى ...
وياما وجعتى القلب اللى بين ضلوعى ...
يا دنيا هاتى إيدك وساعدينى ....
ولبر الأمان عاوزك تعدينى ....
يلا يا دنيا بقا أوعدينى ....
إنك فى يوم تانى ما تبكينى ...
وبأيدك تمسحى الدمع من عينى ...
أمتى تتحزمى يا دنيا وترقصيلى ...
وبدل ما تلومينى تهنينى ...
حقى وعنه مش هتنازل ....
هاخده بأيدى أو بأديكى ...
والمره دى مستعد أبكى عنيكى .....
خلاص يا دنيا مش باقى عليكى ....
كنت طيبة ناسك موتونى ....
وكتير قوى بكوا عيونى ...
وأقرب الناس باعوا وخانونى ...
خلاص مابقيتش زى الأول ...
علمتونى أزاى أتحول ...
قلبى أتعلم منكم الآسيه ...
والدمعه خلاص مش هتشوفها عنيه ....
ولازم أعيش أيامى اللى جايه ...
ليا حق عندك يا دنيا وهتدهولى ...
بقلــــــم: عــــــادل الشــــــهـــابى