دموعى بقلم / عادل الشهابى

دموعى
لا ماتنزليش يا دموعى .....
مهما كان هو موضوعى ....
يا دموعى لا متنزليش بسهوله ...
بلاش تنزلى من الصدمه الأولى ...
وأنتى أمانه عليكى يا عيونى ...
بلاش بعهدك ليا تخونى ....
دموعى غاليه حافظى عليها ...
عيونى وأمنتك أمانه ...
وأنتى كمان يا أحزانى ....
بلاش تكونى كده معندانى ....
نفسى فى يوم بقا أتهنه ....
والفرح أشوفه وأقوله أستنه ...
ليه أنا بس اللى قدامك ...
وتخترنى حتى فى أحلامك ....
يا حزن كفايه كده عليا ...
من الدمع أنا عميت عنيه ....
والناس واخده كمان بأديا ...
ماشى معاهم ومش دارى ...
وأنت ليه يا حزن دايما فى مشوارى ...
العين من الدمع ماجفتش ....
والفرحه أستنتها كتير ولا جاتش ...
بس ليكى يا دنيا مش هسلم ...
ولا هشتكى كمان وأتألم ...
ولازم أضربك ضربة معلم ....
لا يا دموعى ما تنزليش ....
بقلـــــم: عـــــادل الشـــــهــابى