جارى التحميل
استخدم زر ESC أو رجوع للعودة
صرخه أصم
لجل ما تحصد فى القراريط
خليك ماشى جوه الحيط
أخرس واعمى أو عبيط
وإتعلم فن التظبيط
.................
لو عايز انك تصرخ .... اصرخ
بس بصوت مش مسموع
...................
خاللى الصرخه جوه بقلبك
داريها على قد ما تقدر...
لو طلعت ذنبك على جمبك
عيل طايش غبى واتهور....
حاولوا كتير الناس من قبلك
اللى اتخدر واللى تصدر.....
..........
مشيوا طريق ما فى منه رجوع
عايز تصرخ اصرخ
بس بصوت مش مسموع
...............
اوعه تفكر انك تقدر تعدل كون
احمر واسود متفكرش تزود لون
عمر الريشه ما تقدر تبنى اى حصون
وانت كبيرك هتكون ريشه
بس فى طير مكسور مسجون
...............
ولو فكرت انك انسان
لسانك هيكون مقطوع
عايز تصرخ اصرخ
بس بصوت مش مسموع
...................
خاللى الصرخه تكون مكبوته
واوعه تفكر فى الحدوته
فى الكرباج جزره مربوطه
والناس أهى عايشه ومبسوطه
......
راضين لــ يموتوا من الجوع
لو عايز تصرخ اصرخ
صوتك مبقاااااااااش مسموع!!
كلمات محمود عبدالله
