**قالوا الباب**بقــــلم : عــــادل الشــــــهــابى**

قالوا الباب
قالوا الباب اللى يجيلك منه الريح ...
ناس قالت سده وأستريح ....
وناس قالت واجهه وكون معاه صريح ....
وناس قالت أتعبه وماتكونش له مُريح ...
باب فتحته علشان تشوف هواه ...
راح فى متاهات وكان واخدك معاه ....
باب ومتعرفش الحشوا اللى جواه ...
بحُسن نيه تتكلم ةكلامك مايعرفش معناه ...
تحتفظ بيه بتعيش طول عُمرك فى معاناه ....
باب وقولت ترتاح معاه فى يوم ...
جه وجاب معاه الهموم ....
الباب نويت خلاص أكسره ...
ولو رجعلى تانى فى يوم هَخْسره ....
حتى لو باب مصنوع من حديد ...
خلاص قررت أبيعه وأبعده بعيد ....
متتعملش مع حد بحُسن نيه ...
لأن كل واحد بيغنى عليك أغنيه ...
كل ما تبعد عنهم تلاقيهم فى طريقك مرميه ...
خلاص ده قرار ومفهوش رجوع ...
خلاص يا باب نسيتك ونهيت الموضوع ...
أخسرك أحسن أفضل ما فى يوم أنام موجوع ...
خلاص أنا قررت أنساك ....
وفى يوم ما يخطر على بالى هواك ...
روح يا باب وأنسانى ...
خلاص أنا بقيت إنسان تانى ...
مش هسأل فيك حتى لو قولت إنك تهوانى ..
بقــــلم : عــــادل الشــــــهــابى