((فى حب مصر))بقلم د / محسن الشرقاوى

فى حب مصر : 

إلى مصر .. وكل من عشقها .. وأحبها .. 

إلى الحاقدين .. وكل من يحاول أن يكسر قلبها ..!!

هذه هى قصيدتى السادسة : ..... يالله نبدأ من جديد ..!!

6- يالله نبدأ من جديد ..!!

.. ويا مصر ..!!

يالله نبدأ من جديد .. يالله نبنى من جديد .. 

ويا بكرة جاى جديد ..

اللى فات ويا الزمن .. بالشدايد والمحن .. 

درس منه نستفيد ..!!
قوللى مين عمره زيك .. ف الحضارة يا شعبنا ..
قوللى مين أدى زيك .. وكان منارة .. ياشعبنا ..
أنت مش أى شعب .. أنتى مش أى أرض .. 
أفتح ياتاريخ كتابك .. وأحكى لنا طول وعرض .. 
عندنا المكان .. وروعة المكان .. 
عندنا الإنسان .. وأصالة الإنسان .. 
عندنا التاريخ .. وفجر الزمان .. 
عندنا الحضارة .. لوغابت شمسها .. ف لحظة أنكسار ..
الدهب جوانا .. وأرادة شعبها .. ضد الأنهيار ..
عند اللزوم نقوم .. نزيح جبل الهموم .. ونهد كل جدار ..
العزة ف دمنا .. وبلادنا همنا .. بالليل والنهار .. 
تحلم نحلم معاها .. ونضحى ف هواها .. لأجلها ثوار ..
يالله نبدأ من جديد .. يالله نبنى من جديد .. 
ويا بكرة جاى جديد ..!!
ياللى بايع دمنا .. وأنت حتة مننا .. كلنا مسلمين ..
ياللى شارد عننا .. وسط توهة السنين .. 
رد لينا .. مصر أم محتاجانا .. وأحنا ليها محتاجين ..
أختلافنا مش نهاية .. ده البداية .. للى قلبه له عنين ..
يالله فوق .. اللى عايز يبقى فوق .. يبنى فوق .. 
يبتدى بالوضوء .. فيه صلاة .. من غير وضوء .. 
يالله نبدأ من جديد .. ضوء وشوق ..
يالله نبدأ من جديد .. يالله نبنى من جديد .. 
ويا بكرة جاى جديد ..!!

ويا مصر ..!!