(مسكون يا طير المحبه بألف أه ) كلمات : أشرف الهنداوى

مسكون يا طير المحبه بألف أه 
والضحكه مكسوره جوه 
سرداب الحياه
لا منك بتعلن عن همك ولا منك 
بتنسى الاه
مرسومه ضحكتك على الملامح 
والوجع جارح ,
طلتك وياه
مسكون يا طير المحبه بألف أه
متشوه ملامحك جوه مرايتك
عليل واحتارو الاطبه 
فى دواه
مكسوره جواك كلمة وطن
مرهونه فى ملامحك 
نبض الحياه
هتشكى لمين والكل فى الهوا مجاريح
مكتوب عليك تقف فى وش الريح
تعافر لجل الوجع تنساه
مكتوب عليك تكتب حروف 
اسمك بلون الدم
وتمسح دموع فرقتك بطرحة أم
تبكى على ابنها يا ولداه
مسكون يا طير المحبه بألف أه
لون الحداد لونك
مع انه مش لونك هههههه
بس المرار علمك لون السما
تهواه
بتحلم تطير لفوق ومكسوره جناحاتك
بتزف حروف اسمك
ودقاتك
مطحون فى رحاية الفتن
وقولة
أه.أه.أه,أه
قولى امتى اشوف ضحكتك
تحضن خطوتى 
تفرش بنورها كل المدى 
وتغنى نجوم السما 
وياه
بدعيلك يا طيرى ترجع بسمتك تنور 
ملامحى 
واحس فرحى 
بيحضن ركعتى 
لرب الوجود 
فى علاه
...
مسكون يا طير المحبه 
بألف أه
من ورا دموع عيونى 
كتبتلك 
والف مليون سجده 
سجدتلك
نفسى اشوفك
قبل موتى 
وامرغ ملامحى 
بفرحتك
( ... أه .... )
(كلمات أشرف الهنداوى)