جارى التحميل
استخدم زر ESC أو رجوع للعودة
إيدك زُقّ النحيادي
وانت ايديك م اليمادي
واوعى تسيب لا يقولوا الخايب
مابيعرفش يسوق حادي بادي !
فارس غنيله ياعنب الديب
ابن اللعيب بيشوط لعيب
وبيكسب دايماً ف التدريب
مع انّه وحيد جوّا النادي
ياخلق ياهوه عنتر مش مات
وسواد اللون كدبه وإشاعات
والشعر بتاعه دا كان تسبيل
وبيحلم دايما بهنادي ........
هنادي دى بنت بتاع الغاز
والغاز مرهون لبتاع الجاز
وبتاع الجاز جهّز عفشه
لاجل يسوقها السكادي
وإيدك زُقّ النحيادي
وانت ايديك م اليمادي
واوعى تسيب لا يقولوا الخايب
مابيعرفش يسوق حادي بادي !
