**حكاية شعب إتغرب**بقلم / عصام دويدار**

Essam Dwedar

حكاية شعب إتغرب
...................................
بحكي حكاية شعب إتغرب
جوه في بلده وعاش بروحين
لما انا أحكي مش تستغرب
فتح عينك شوف الاتنين
شعب بيسرق
شعب بيغرق
شوفوا الفرق مابين شعبين
.............................
شعب بيسرق علشان نفسه
عمر ضميره ما حس بأسفه
وشعب بيحلم ينقذ نفسه
وديما يعلن ديما أسفه
ليه متغرب جوه في بلده
علشان حلمه يعشله يومين
.....................
أما التاني شعب اناني
سرق الحلم وسابه يعاني
قسم رزقه ما بين بلدين
خلى الشعب التاني يسافر
علشان رزقه خلاه يعافر
سافر بره بلاده الحره
يمكن بره يعشله يومين
.....................
داق المر في بلاد غيره
طلع الذل دا هو نصيبه
علشان غيره إتحكم فيه
عاش بالحلم وقرر يصبر
يمكن حلمه في يوم يلاقيه
.........................
قامت ثوره شارك فيها
قال ممكن يرجع أراضيه
طلع التاني بيلعب بيها
وخلى الثوره بقت إتنين
رجع التاني شارك فيها
داق المر وشاف بلاويها
وصابر لسه بقلبه عليها
حلم حياته يرجع ليها
...........................
لسه الحلم بتاعه مجاش
عاش متغرب فيها وبيها
فاكر حلمه ومبينساش
....................
لسه بيحلم يرجع بلده
يعشله يومين
اما التاني لسه بيسرق
همه في نفسه وبلده بتغرق
قسم بلده وقسم شعبه
بين شعبين
........................
أما التاني لما أتغرب جوه في بلده
كل جنايته يرجع بلده يعشله يومين
شفتوا الفرق ما بين شعبين
شفتوا الظلم لما بيحكم
بيقسم شعبه بين حُكمين
بحكي حكايه شعب إتغرب
جوه في بلده وعاش بروحين
..........................................
بقلم / عصام دويدار