جارى التحميل
استخدم زر ESC أو رجوع للعودة
-----------------
تسلم اديك--------؟
تسلم أديك اللي جابوا
المهر والشبكة
عرف الفرح طريقه لقلبي
وعرفته الضحكة
القلب مخلوق عشانك
بس أحنا فيه شركة
أنت تنوره بضحكتك
وهو لحياتي سكة
أنت عيوني ونور العيون
منك الضحكة
خلي حنانك في إبتسامك
ونعيش سوا شركة
أنت مليك دنيتي
خلي للغرام سكة
أوعى الخصام تعرفه
بيقتل الضحكة
كل اللي بينا قلوب
بتعشق الرقة
الهجر قاسي قوي
خلي الوداد يبقى
طريق القلوب قصيرة
نملاها بالضحكة
الكلمة لوكانت عسل
تخلي القلوب تشفى
الدنيا قصيرة قوي
لونعرف السكة
سكر كلامك دوبه
بحبتين رقة
وغليه على نار المحبة
بينور السكة
صيد القلوب بالكلام
والضحكة هي الشبكة
تسلم أديك اللي جابوا
المهر والشبكة
------------------------------
شاكر محمد المدهون
