جارى التحميل
استخدم زر ESC أو رجوع للعودة
تلج ونار
÷÷÷÷÷÷÷÷÷
الأرض...... أرضى
والجلد ......جـلدى
والبرد سارى ف جـِتـِّـتـــى
والتلج زاحـِـف زى أعياد الميلاد
فكرنى بردو
بيوم ميلادى وقهرتى
كنت حـِـتـِّـة لحمة
ما بتعرفشى شئ
خرجت انا من دنيا واسعة
لكل ضيق
الكل بيزغرط
والدمعة م الفرحة
عمـَّـالة تـِتنطـَّـط
وجلدى كان ناعم برئ
من غير ما تستـُـرنــى الهدوم
كان كل شئ دافى ورقيق
زى النهاردة يوم ميلاد القهر فــيَّــا
ورضعت من سرسوب مرار
وكبرت وسط حصار وعار
دلوقتى يا كل السنة
كل البيوت متضَّـلـِّـمة
وانا باحتـِـمــى خلف الجـِدار
من إيه يا قلبى بتحتمى ؟
من تلج ناااااار ....؟
ولا نار
مش قادرة ع التلج اللى عامـِل ميت حصار
حتى انّى مش عارف أنا
أبقى ابن مين.........؟؟
فين البشر يوم ما اتـولـَـد قـَـهــرى
و كانوا فرحانين
دلوقتى ليه متخبيين ؟
ولا المرار والقهر صابـهـُـم ؟
بـَــقـُــم.... زّ يـّـــى
جوة فى حطان الزمن
متحـَنـَّـطين ؟
آاااه يا وطن
مولـــود حزين
أروح لمين
ولا انت نفسك
بعد الخيانة والخداع
راح تعمل ايه ؟
وتقول يا مين
والتلج عشـِّـش فى القلوب
والكدب عشــِّش فى الضمير
والأرض بس
هى اللى بـتـنـبـِّـت رصاص
الأرض نار
....................
بــقـــلـــــــــم ا لـــشــــا عــــــــــر
أ بـــــو عـــــمـــــــا ر ا لـــــمــــــصــــــــــــر ى
