جارى التحميل
استخدم زر ESC أو رجوع للعودة
طـــُـــــظّ
..................
طـُظ ف كل حاجة
ما بتحققشى حلم
طـُظ ف كل واحد جاهـِل
بكل علم
وفى الترعة ف بلدنا
ومـِن قتل ولادنا
وع الحدود وناسى
إنه حامى الحدود
وفى التاريخ مـُزيـَّـف
وفى القضاء مسيـَّس
وفى اللى يستبيح
عرض الصبايا عـَمـد
فيـَّـا ..لو يوم راح اسـكـُت
وفى اللى عامل اعمى
وفى الجبان عموماً
وفى الخاين أكيد
وطظ فى اللى راح
واللى ساب الجراح
تعشـِّش فى الوريد
وفى تجارة العبيد
وفى اللى الزرعة منه
تجيب مليون مـَرَض
واللى زرع الغباء
وعاش على جـِتــَتـنــا
إلـهــه .....كبــريــاء
واللى ف باله ا فـتــَرَض
إنه فرعون كبير
واللى باع الضمير
غفير أو كان وزيـر
أو حتى كان رئيس
عرشه فوق الـعـِبــاد
شايف فى نفسه دايماً
انه الحاكـِم ولازمن
يدوس فوق الرقاب
وفى الإمام منافق
شيطان
أخرس وساكـِت
يفتى بالقتل علناً
ويحلل فى الحرام
وفيكى يا دنيا غابة
بتاكل فى الغلابة
وبتربى الديابة
على ظلم الشقيانين
طظ وخلاص مـِسافـِر
برة حدود الزمن
طظ وقبرى يواسينى
حتى من غير كفن
بــقــلـــم ا لـــشـــــا عـــــــر
أ بـــو عـــمــــــــا ر ا لــمـــصــــــــر ى
