فى زمن العجائب والغرائب لا تندهش ولا تتعجب فكل شيء جائز بالمحرووسه
سارقى قوت الشعب براءة وسارق رغيفين كى يسد جوعه معرض للحبس !!
( شر البلية م يضحك )
@@@@@@@@@@
عيل جعان...
سرق رغيفين...
من فرن الراجل..
اللى اسمه حسين..
معدته فاضيه...
بقالها يومين...
وم يملكش...
لا قرش ولا قرشين..
قفشه الراااجل...
وسكعه قلمين...
وجره ع النقطة...
ف يوم الاتنين...
سألوه ف الاول..
انت منين ؟؟؟
قاللهم :
انا مينا..
وابويا اسمه زين..
وامى نعيمه ...
وجدى ابو سيفين...
وساكنين ف اوضه..
ملك غراب البين...
ابويا ارونجى...
معدوم العافيه...
بقاله سنتين...
هى دى ظروفى..
يا اعمى العين...
لا سرقت قوتك..
ولا كمرت مليارين...
لا سممت جوفك...
ولا خطفت القيراطين...
بداااااال م تحبسنى...
فكر ثانيتين...
ليه انا سرقت ؟؟؟
وسيادتك فين ؟؟؟
بقلمى..
هانى حُزين
