الشاعر محمد صبري " الجزاريين "

الجزاريين شعر غنائي فكاهي
الجزاريين بيغيروا مني مع اني واللهي علي قدي
كار الجزاره انا فيه جديد لكن الزباين حابني
كندوز وبقري احمر وسمين وميزان بزمه وعندي ضمير
ييجي الزبون ياخد مره الاقيه بيرجع وييجي كتير
صبياني بعرف اعاملهم وف كل شده اسأل عنهم
منا كنت يا ناس واحد منهم واللي رزقني حيرزقهم
كل الزباين عرفتني والاسطوات زعلت مني
بيقولوا عني بتاع اعمال بسحر ودايما ظالمني
الاسطه شغته طلب خالتي ويوم الخميس كان فوق عندي
وفجأه غير رأيه قوام لما زبونته خدت مني
صاحبي وحبيبي زعل مني والعشره هانت وخاصمني
دنا كنت بفتح فرع جديد ونسيت اقوله بيفضحني
يا صاحبي لازم تفرحلي تدعيلي ربنا يحفظني وان كنت
حتي غلطت فيك بدل ما تفضحني انصحني
بضاعتنا دايما كسبانه وعين الحسود عايشه معانا
لكن اللي رزقه علي ربه ميهمهوش اي ملامه
ياناس حرام وبلاش اوهام ده الرزق ده مفهوش كلام
ومادمت حي حييجي رزقك ده اللي بيرزق مش بينام