....الوداع
============= بقلم عونى هشام
نفسى قبل ما اودعك
اسمعك
واقول كلام من قلب
عمره ما يخدعك
عايز الوداع
يمشى بسلام
من غير عتاب
او فيه ملام
اصل الكلام
ما عاد يفيد
بهدوء تروح
واودعك
-------------
بلاش تشوفنى
او اشوفك
خليك بعيد
ما احبش
انى اوجعك
انت الزمان
رماك عليا
كنت سندى وبانفعك
خلاص خلاص
الزمان ده
خلاص وعدى
واللى بينا
ملوش خلاص
غير انى بس
اودعك
------------
بلاش يكون
وداع حزين
خلينا ننسى
مع السنين
كان فينا دمع
وفيه انين
كان فيه اهات
راحت الاهات
وجات بدلها دمعتين
ومعدش عندى
م الكلام
غير انى بس
اودعك
----------------
الوداع
سنة حياة
ان كان فى حب
او كان قدر
لكن الوداع
وياك اكيد
حبيتك انت
قلبك غدر
اياك تقول
مفيش وداع
كفاية غش
كتير خداع
ضيعت عمرى
وعمرى ضاع
يمكن اشوفه
فى الوداع
------------
خلينا نمشى
من سكات
خلينا يوم
ننسى اللى فات
بلاش نعيد
فى الذكريات
اللى انكتب
لازم تشوفه
انت وانا
وانا بقول وهاسمعك
انى ما عدتش
انفعك
خلاص خلاص بودعك
==============
\\\عونى هشام
