الشاعر الرائع / حســــــــن الشــــــوان (( ... وأخــــــــــــــرتهــا أيـــــــــــه .. ))

............. وأخــــــــــــــرتهــا أيـــــــــــه  .............

قلبي وجعني يا أمه ومبقاش فيه نور
والحياه مبقتش لزمه والعيشه تغــور
والفكر تــاه في الزحمه قزاز مكــسور
بينداس بالجزمةوالخــوف منه مذعور
حتي معاني الرحمه بس في الصدور
والدنيا بقت ضلمه لا احساس و شعور
فين لذة اللقمه ويدبل الريق في الذور
ومظاهرنا في الهدمه هياكل مالها دور
محروم يقول كلمه حروفها علي السور
فين رضا النعمه واللسان بقي مسعور
يا عيني عليكي يا امه من قسوة الجور
والأفكار في صدمه والأمل بقي مشطور
والعمر أصبح نقمه وكتاب ملهش سطور
حتي رزاز النسمه في الفضا بقي مهجور
...... .  حســــــــن الشــــــوان .....