جارى التحميل
استخدم زر ESC أو رجوع للعودة
باحبّك زىّ-----شعرالدكتورصبرى إسماعيل
*****
باحبّك زىّ موج البحر فى جماله
واحبك زىصمت الليل واحواله
واحبك زى نسمة شوق بتهدينى
حياة قلبى وسحر الحب ودلاله
****
واحبك امّ جوّايا وعشّ حنان
واحبك بحر ما يغرقّ وبر أمان
واحبك ميه من نهرك بتروينى
واحبك حضن بيعوّض ضنا الحرمان
****
واحبِك زى امانينا بتتحقق
وزى كلام عن العُشاق ولا أروق
وعن ماضى وعن ذِكرى وعن أحلام
وعن بكره يطير بينا لدنيا حبها أصدق
****
واحبّك فى دفا شمسى بتهدينى
بنورحبىّ ودفئ الخير وسنينى
واحبّك فى نجوم الليل تنادينى
قوام افرح دا قمرالدنيا فى يمينى
****
واحبك أحلى أغنية أغنيها
واحبك كل أشعارى وأرويها
واحبك تبقى عنوانى وأحزانى
وكلمة حب لاهل الدنيا نهديها
