يا قاصدين قاضى الحاجات بقلم الشاعر على مصطفى

يا قاصدين قاضى الحاجات :-
===============
أنا عندى واحدة من البنات
ما تقولش ولا مليون صبي
هادية فى حالها وفى ثبات
دايماً تلبي مطلبي
عارفة دوايا ومن سكات
تديني حقي ومأربي
لو قلت يوم اشرب مغات
تقولي حاضر يا أبي
يا قاصدين قاضى الحاجات
ما تصلوا بينا على النبي
وأنا ريفي مش ابن ذوات
شهم وجدع
من وأنا صبي
دايماً بحافظ عل البنات
من كل هايف أو غبي
فكر يعاكس خد وهات
يعمل حسابي ومأربي
يرحل وحالاً من سكات
عارف مقدم مطلبي
يا قاصدين قاضى الحاجات
ما تصلوا بينا على النبي
حبيت وحبي ذكريات
والماضي فات
وقلبي عمره ما كان غبي
عاشق وملياه الآهات
وحاضرة دايماً مصحبي
الحب عندى ما فيهش هات
خد بس منى وطبطبي
قلبي الحنين له ساعات
يفتكر لوع البنات
يهرب ويترك ملعبي
يا قاصدين قاضى الحاجات
ما تصلوا بينا على النبي
حبيت وحبي أصله مات
وأنا من سكات
دفنت قلبي فى كوكبي
راحت وراحت الذكريات
مع حبيبى المجتبي
ودي قصتي وايا البنات
والعمر فات
كان يوم رحيلها موكبي
زفيتها فيه حتى الممات
غابت هناك بمغربي
واديني بحكي الذكريات
ودي نهاية مطلبي
يا قاصدين قاضى الحاجات
ما تصلوا بينا على النبي
بقلمي ،،
على مصطفى ،،،
1/11/2014 م