جارى التحميل
استخدم زر ESC أو رجوع للعودة
........ حكاية قلم ........
سيفى قلم . مرفوع علم ..
من فوق جبين وش الورق ....
شق وقسم . صوت الألم ..
عاشق طنين حلم إتسرق ....
ياحلم عاش بماضى مجاش ..
ياخساره يابكره بتتشنق ....
قطع ياسيف فكرى المخيف..
وإلحق حروفك م الغرق ....
وأفتل خيوط حلمى الضعيف ..
حرك فى سنك لو صدق ....
سن سنك ..وإكتبنى منك ..
وإشطب تاريخ نام ع الورق ....
الخوف براك .. والجوع ملاك ..
والموت نداك صاح ف الملأ ....
ياحبرى لسود عمال بتكتب ..
على صفحه عتمه بتتحرق ....
ياشمس تعبت من صدر مغرب ..
وليل بيترب ., جواه قلق ....
ياروح تكابر ياعشق نادر ..
سماره ماتت والزور صدق ....
ياحر راكب .. جوه العناكب ..
ياصرخ ساكت .. وإنهمك ....
يامنسى فاكر .. كل الدفاتر ..
تاريخ وذايف .. منك بدأ ....
فجر سكاتك .. وإعدل دواتك ..
وإشرب فى حبرى إل إندلق ....
خد من خيوط الفجر سطرك ..
فتح عيون شمس بعرق ....
إرجع ياسيفى أرخ ف عصرك ..
وأنا بيك هكون حد إتخلق ....
الشاعر السيناريست / مجدى أبو نوارج
