دلوعه ....بقلـــــــم: عـــادل الشـــــهــــابى

دلــــوعــــه
دلوعه وماشيه بتتمختر ...
عاوزه الكل فى خطوتها يفكر ...
وهى عليهم بتتغندر ...
فوقى يا حلوه مالك ....
ليه معجبه بس بجمالك ...
وعلى الناس ليه شايفه دلالك ...
فى لحظه ممكن يتغير حالك ...
وتلاقى اللى وراكى قدامك ....
خليكى بين الناس متواضعه ...
خليكى بنت ناس كده وجدعه ...
الجمال أصله مش مضمون ...
وفى لحظه ممكن تبكى العيون ...
والدنيا ملهاش أمان فى لحظه بتخون ...
دلوقتى أنتى لسه فى شبابك ...
والعمر لسه قدامك ....
أسمعينى بلاش غرور ...
ده كل واحد فى الدنيا وله دور ...
ومفارق فى يوم مهما العمر يطول ...
بلاش تشغلى الكل بعيونك ...
خليكى متواضعه الكل يحبك ويصونك ...
ولا أنتى فرحانه ببلوزتك وبنطلونك ...
وبشعرك النازل على عيونك ....
كلمه أنا بقولهالك ...
بلاش تتعالى على جيرانك ...
وبلاش التكبر يكون حالك ...
واخيرا بقولك سلام ...
فكرى فى الكلام قبل عيونك يا حلوه ما تنام ...
وتصحى على كوابيس بدل الأحلام ..
بقلـــــــم: عـــادل الشـــــهــــابى