روح الله يسامحك بقلم صفاء عبدربه

مشاعر جميلة

روح الله يسامحك 
***********
ماعاد خلاص ينفع
ماعاد يفيد الكلام 
احنا طريقنا مش واحد
كفايانا جروح وألام 
ماعاد خلاص ينفع 
ماعاد خلاص يفيد
النهارده غير امبارح 
امبارح كنت بأغفر
كان نفسي تكون سعيد
النهارده مش قادره أسامح 
راح أبعد لاجل مانسي
راح أبدأ من جديد 
ماعاد خلاص ينفع 
خلاص ما عاد يفيد 
امبارح كان بينا سلام
كان بينا دفء وحنان 
كان بينا ود وخصام 
لكن عمر ما تاه الكلام 
النهارده توهنا عن روحنا 
واتكلمت عنا جروحنا 
توهنا عن امبارح 
والسهم كان في القلب 
صايب وجارح 
بقينا فاقدين الحنان
ومعاه فقدنا الأمان 
ما عاد خلاص ينفع 
ماعاد يفيد الكلام 
كنت زمان بتحملك
كان كل منايا أسعدك 
احتويت حيك في قلبي 
وانت ماصنت حبي 
بعتني وعليا مابقيت
ومن غدرك أنا ياما استويت 
وماعاد خلاص يفيد 
اني ابقي تاني عليك 
امبارح حضنتك واشتريتك 
والنهارده من قلبي رميتك 
كثير ياما اتحملتك 
وعمري في يوم ماخنتك 
كنت باديك الحنين 
وأكتم في قلبي الأنين 
لكن انت ضيعتني 
داأنا كنت كتير بتألم 
وأقول بكره هايتعلم 
انما كنت انت تزيد 
أما النهارده خلاص 
ما عاد رجوعنا يفيد 
كنت أسهر استناك
وانت قاعدلي هناك 
مع غيري بتتسلي 
وأقول معلشي فداه
خليه قاعد في الجنه 
ماعاد خلاص ينفع 
ماعاد الكلام يفيد
خليك قاعد هناك 
خليك هناك سعيد
انت اللي هجرت حضني
وقولت غيري هايسعدك 
بالرخيص روحت بعتني 
يبقي أنا ليه أتخملك 
ماعاد خلاص ينفع 
ماعاد خلاص يفيد 
روح لحضن غيري 
الله يسعدك
يمكن يحس قلبك 
يمكن يحن لك 
روح لقلب تاني 
روح ماأنت خاين أناني 
يمكن تلاقي نفسك 
يمكن يتحملك 
ومعاه تلاقي اللي نقصك
بس اوعي تحن لي
روح الله يسامحك

صفاء عبد ربه