ايه اللى انا عملته يا حبيبى بقلم الشاعر على الطاووس

أغنية /// أيه اللى أنت عملته
يا حبيبي...
يا حبيبي...
أيه اللى أنت عملته ده فيا....
دخلتني حقل ألغام برجليا...
و فهمتني أنا هى ديا...
جنتي اللى فى قلبك ليا...
أيه اللى أنت عملته ده فيا....
و عيونك اللى نعسانه دى هى اللى ضحكت عليا...
و رموشها هى اللى قالتلي أسكنيها يا عنيا...
أيه اللى أنت عملته ده فيا...
و كل ما أخطو خطوه معاك...
فى أرض حبك ينفجر لغم غدرك فيا...
أيه اللى أنت عملته ده فيا...
و فى وجدانى فا يموت حبك و حبي جوا منى...
و أصبح ألأقى فى قلبي نايم...
مجروح بجروح دى حتى أهى باينه على رموش عنيا...
أيه اللى أنت عملته ده فيا...
رحت صدقت أنا سراب مش شيفاه حتى انا بعنيا...
كنت أنت صنعته بدهاء و بخبث عليا...
أيه اللى أنت عملته ده فيا....
و بعد ما أداوى أنا جروحى...
لسانى يسألك هو أمتى ياحبي ح ادخل الجنه ديه..
و رجلى تدوس على أرض خضراء...
تلاقى فيها بساتين طارحه...
و بدون شوك يألم أيديا...
أيه اللى أنت عملته ده فيا....
ترد ظنونى و تقولى ما أظنش يا عنيا...
لأن حبيبي رحلتى معاه كلها عذاب و قهر فيا...
أيه اللى أنت عملته ده فيا...
و لا عمرنا ح نشوف معاه يوم هنا ليا...
لآن من كتر لوعتك ديه...
و لا يمكن ح يهدى بال ليا...
أيه اللى أنت عملته ده فيا...
و ح تزود انت الليالي قسوه بظلمك ليا...
و منها ح يختفى القمر من قدام عنيا...
أيه اللى أنت عملته ده فيا...
يا حبيبي...
يا حبيبي...
أيه اللى أنت عملته ده فيا....
دخلتني حقل ألغام برجليا...
و فهمتني أنا هى ديا...
جنتي اللى فى قلبك ليا...
أيه اللى أنت عملته ده فيا...
ما هو أنا اللى استاهل جريت وراء وهم و كان عقلى هو اللى شاور بيه عليا..
أيه اللى أنت عملته ده فيا...
مع تحيات شاعر الوجدان الشاعر السكندرى / على الطاووس