احكى وطول بقلم عبدالله ابوالنجا

(احكى وطول)
احكى وطول فى الحكايه
القصه مش بكلمتن
حتنهى هم كبير معايه
محتاج لو للشرح السنين
*******
يا شكوى لفى واسرحى 
لمّى الدموع من مطرحى
فى كل لحظه من زمانى
شايفك يادنيا بتجرحى
القلب متألم حزين
احكى وطول فى الحكايه
القصه مش بكلمتين
*******
خانوا الامانه ف عهدهم
مات الحنان من قلبهم
قتلوا الامان فى قربهم
يامين يداوى المجروحين
احكى وطول فى الحكايه
القصه مش بكلمتين
*******
بنبكى عالعهد اللى راح
وعلى الوفاء وعلى السماح
القلب أن من الجرااااح
والدمع جف ف كل عين
احكى وطول فى الحكايه
القصه مش بكلمتين
*******
الظلم زاد فوق الحدود
والرحمه بقى ملهاش وجود
فى قلوب ماليها ف العهود
ولا ايمان ولا اى دين
احكى وطول فى الحكايه
القصه مش بكلمتين
*******
عبدالله ابو النجا