جارى التحميل
استخدم زر ESC أو رجوع للعودة
... غمزة عين..
============ بقلم عونى هشام
غمزلى بطرف العين
والقلب مال وياه
ما تقولى رايح فين
رمشك سحرنى معاه
عيونك دى بحر غريق
اغرق انا جواه
بحرك اشوفه عميق
والموج عالى فى هواه
بحر العيون اسرار
منقوش على صدرى
يا علم الاسرار
يسر معاه امرى
امر العيون غلاب
والسحر غالبنى
لو يوم تيجى ع الباب
رمشك بيسحرنى
مكتوب لى احب العين
اعشق فيهم دربى
فيهم دفا وحنين
ما اعرفش انا اخبى
يا ام العيون السود
والرمش ساحرنى
قلبى معاك موعود
ليه بس تهجرنى
امتى تيجى وتعود
وتعيش هنا جنبى
والحب بينا يسود
لا بايدك ولا ذنبى
الرمش فيك جارح
والفكر فيك سارح
رسمك انا فى قلبى
بعذابك انا مسامح
اغمز على راحتك
بالسحر انا موعود
معاك انا بختك
وهاعطرك بالعود
العطر فى انفاسك
وعرفت احساسك
يا ام العيون السود
تاجى على راسك
التاج معاك يا ملاك
وقلبى يستناك
دقاته تنده لك
اسمعها بيك ومعاك
غمزلى بطرف العين
والقلب مال وياه
كتبته فى اشعارى
وغنيته لحن معاه
من فرحتى بقربه
يا سعدى بيه وهناه
===========
