اسف دنيتى
اسف دنيتى انت ابتديتى
هديتى فرحتى وعلى الجرح جيتى
لا رحمتى صرختى باحزانك صممت وابييتى
على همى سهرتى وعلى دمعتى تغذيتى
اسف دنيتى انتى ابتديتى
*****/////**///
يمضى جرح تتجدد الجروح
من احزانك لا باجى ولا بروح
من هم لهم بنيتى الصروح
اشكى لمين همك ولمين ابوح
كل ما اسآل حد الاقيه مجروح
عايشين فيك جبر عايشين حلوة روح
كل ما اطرق باب فرحه الاقيه غير مسموح
اسف دنيتى خلتينى من غير سكين مدبوح
*****//////*****
ماشى فى سكيتى وانيسى الدمعه
بصرخ فين الرحمه صماء ومش سمعه
وهمومك على جامعه
تزهى بغرورك وزهوك له لامعه
اسف دنيتى خساره فيك دمعه
*****/-////*****
شربت من مرك مليت منه كاسى
كتبت من حبرك سطرت قرطاسى
الصخر لان من دمعى وانتى قلبك قاسى
حرام عليك يا دنيا قطعت انفاسى
لو اخطآت اعتذر حقك على راسى
طالب شوية رحمه احلى بيها المآسى
******///////***
مالك يا دنيا العجب حطمتى احلامنا
صارت كل ايامك غضب سودتى ايامنا
فرحك عنا اتحجب والحزن قدمنا
امرك علينا وجب جاير و ظلمنا
اسف يا دنيا الغضب هديتى ما رسمنا
اشرف الشافعى
