مشاعر جميلة
شق الفجر ظلام الليل
شمس بتشرق تبقي دليل
لأجل ما تشفي كل عليل
تشرق عز البرد علينا
تدفي الدنيا من حوالينا
تضوي وتلمع فوق المينا
تدخل جوه كل سفينه
من بعد ليل بهدوء وسكينه
تبعث فيهم حيويه
وتشع دفء وحنيه
نتعب . . نشقي
تشد عظامنا
وتنور كل الدنيا أمامنا
وتكون أمل أيامنا الجايه
تكسر فينا حاجز الخوف
وتدفي القلب المرجوف
لأجل مايبقي القلب رؤوف
وتملاه دفء وشوق
ويكون ملهوف
انه يحقق لامنيه
وتطهرنا وتنقينا من الأنانيه
وتجمع كل قلوب لاحباب
وبتسبقها نسمه نديه
تعدي علينا .. وبعفويه
ترطب وجهه الكون بحنان
وتصحي القلب النعسان
لأجل يصلي ويكون في أمان
صفاء عبد ربه
