مشاعر جميلةمسيرك هاتعرف ________ عامي ************
كنت فاكر لما تبعد
اني في بعادك حاموت
ولا فاكر لما تغضب
اني علي بابك هافوت
ولا فاكر لما تهجر
اني من غيرك هاتوه
وراح أبكي علي أعتابك
وأقول هاتوهلا .....لا ياقلبي أنا
لا......يانبضي أنا
لا......ياكلي أنا
لا......لا يا أناكنت فاكر لما تبيعني
أنا هاأشتريك
ولا فاكر لما تجرح
أنا راح أبقي عليك
ولا فاكر لما تبعد
اني هاجري وأدور عليك
ولا فاكر لما تعند
أنا راح أحايلك وأبوس ايديكولا فاكر ايه
ولا ايه ......... ولا ايه
انت فاكر نفسك ايهكنت فاكر ان بكره
ممكن للماضي أعود
ولا فاكر ان تاني
ممكن لحضني تعوددا انت خاين أناني
دا انت خاين للوعود
انت انسان غادر حقود
وعمرك ما تعرف
تصون يوم العهودبعتني وبعت كل حاجه
وانت ولا تسوي حاجه
وغرورك كان بزيادهلكن صدقني ..
صدقني يوم ما تندم
وتيجي وتعود لي تاني
ساعتها .. مش راح تلقاني
زي ماني
مهما كان لي معاك أماني
ماهو مستحيل
ايوا مستحيل .. ارجعلك تاني
مستحيل .. أرجع لأناني
بعد ما ضاعت معاك أماليمستحيل .....
بعد ما ضيعت حلمي الجميل
أيوا ....
أيوا بقولك مستحيل
دا الجميل
ان كان لي فيك أماني
اني أديلك حناني
دايما من غير بديل
لكن ..
انت ضيعت كل حاجه
ضيعتني....
وضيعت حلمي الكبير
وهو دا كان المستحيلدا أنا ياما صبرت عليك
وجروحي هانت عليك
وانت ..
قسيت ياما عليا
واتحملت منك آسيه
ومن بكايا .. راح نور عينيا
وبعد ماكنت لي كل حاجه
بقيت دلوقتي.. ولا حاجهدا أنا اخترتك من بين ألوف
كان قلبي عليك ملهوف
وتحديت بيك الظروف
كنت شايفه قلبك رؤوف
كنت باموت كل يوم م الخوف
وأنا شايفه حواليك ألوفكنت خايفه من البعاد
وكنت باقيه ع الوداد
وقلت أنسي اللي فات
وأعيش معاك الحاضر واللي آتلكن سهمك كان في القلب صايب
وكنت لي حاضر وغايب
وقلبي كان في هواك دايب
ما أنا غيرك ..
والله ما كنت شايف
ومن الفراق
دايما أنا كنت خايف
ماأنت كنت ليا كل حاجه
لكن النهارده ...
بقيت ولا اي حاجهدا أنا ياما كذبت فيك الظنون
وقلت أعاملك بالأصول
ويكفيني ان قلبك عليا
يكون حنون
وعاهدتك أكون لك العمر وافي
وأعيش في حضن قلبك الدافي
واحساسي بحبك كان ليا كافيكنت شايفه فيك صوره تانيه
ما تقدرشي تأسي ولو ثانيه
شوفت فيك فارس أحلامي
شوفت فيك كل الأماني
وبيك كنت طايره في العالالي
وكنت بشوفك ليلاتي بمنامي
ورسمتك صوره في خيالكبس ياخساره
الصورة مس هيا صورتك
ولا حلمي كان هو حلمك
وضاعت بينا كل الاماني
وضاعت معاك أحلامي
من كتر ما كنت منك بعاني
ما انت كنت معايا قاسي
وقلبك كان عليا جافي
انت فاكر ؟
انت فاكر ولا ناسيكنت بتعزف ألحانك
علي بركان غضب
لما احساسي بيك
ماعاد في قلبي وانشطب
رحماك ربي من هذا الغضب
آاااااااه ياقلبي رحماك
أما عاد للعذاب سواك
ألم يجهدك طول العناء
ألم تناجي فيه نجوم السماء
ألم تتحدي من أجله البشر
وتقول ان الحب أمروكان كلامك يا أغلي الناس
لا نبض فيه ولا احساس
وحبك كذبه وما كان له أساس
وأنا ياحبيبي
قلبي كما الألماظ
نبضه احساس
وعمره ما يوم انداس
سامعني
سامعني يا اغلي الناس
دا أنا قلبي أبيض بياض الفل
بستان
عطره يفوح علي الكل
وانت حالك ياروحي ما كان يسروبعد كل دا ....
لسه فاكر اني هاموت عليك
ولا راح أحزن يوم عليك
لا ..... لا ياروح قلبي
لا يانبض عمري
لا... لا يا أناأنا مش حاأفضل أسيره لهواك
دا أنا عمري ..
ما كنت يوم سعيده معاك
وخلاص ......
خلاص أنا مش حابقي تاني عليك
ولا راح أخاف وأقلقك عليك
ولا عيني حاتبكي في يوم عليكوكفايه ....
كفايه يا كل الكون
كفايات يا حبيبي ظنون
دا أنا كنت بيك مفتون
وقلبي بحبك مرهون
وعقلي منك كما المجنونكفايه .....
كفايه كنت أملي
كنت روحي
كنت البلسم لجروحي
ودلوقتي .......
بقيت سبب نوحي
ماهو انت كل جروحيومسيرك ....
مسيرك هاتعرف
أنا أد ايه كنت بحبك
وكنت باأتمني قربك
كان حبي ليك ما لوش حدود
كان ليا كل الوجود
مسيرك
مسيرك هاتعرف .. اد ايه
كان ارتباط قلبي بقلبك
وامتزاج دمي بدمك
وفكري كان هو فكركمسيرك هاتعرف
ان كان منايا تفضل جانبي
وان بعادك كان غصب عني
ماأنا كان نفسي أشوفك متهني
بس ياخساره
ياخساره الفراق دا مش بايدي
دا نصيبك .... ونصيبي
ومسيرك هاتعرف
مسيرك هاتعرفصفاء عبد ربه
