مشاعر جميلةقول ياقلبي قول 
وسطر علي الورق سطور. 
قول عن قلب قاسي
فجأه لقيته ناسي .. 
كل اللي بينا . 
قالي ماعدشي نافع 
ولا عاد فيه دافع 
نوصل الأحلام مابينا .
انت سكتك غير سكتي 
ودنيتك غير دنيتي 
وكفايه وهم وسراب .
طب ليه .
طب ليه من غير عتاب 
ليه كل دا .
أنا مش هاقولكٍ اشتريني 
من بعد ما بعتيني .
ولا هاقولكٍ ارجعيلي 
من بعد ماأخترتي تبعدي 
وروحتي و هجرتيني .
ولا هاقولك ارحميني .
ارحمي قلب كان
صادق في حبك .
اتمني يعيش العمر جنبك .
اتمني يموت 
وراسه علي صدرك .
وبايدك انتٍ تسبليه .
وتكون صورتك أجمل وأخر 
صوره شفتها عينيه .
أنا مش هاقولك اني مظلوم .
أنا راح أقولك اني فيكي مصدوم .
أنا مش هاموت علي أعتابك 
ولا هاحلف تاني بحياتك
ومش هاقولك الوداع .
ياحلم عمري اللي ضاع .
لكن راح أقولك اسمعيني . 
يمكن تحسي بيا وتفهميني .
يمكن تقدري وتعذريني .
ولو مصره علي الفراق .
قبل ما تفارقي علميني .
علميني ازاي أكون قاسي .
زي ما علمتيني أنسي 
نفسي وسط أهلي وناسي .
علميني ازاي أكره .
لأجل أقدر أكمل 
حياتي وأعيش بكره .
علميني ازاي أخون .
لأي وعد وأي عهد وأي قلب مصون .
وعلميني ازاي قلبك عليا يهون .
علميني الكلام اللي 
أقدر للناس أقوله .
اللي كانوا بيشوفونا .
لما يجوا ويسألوني عنك 
ولمين كنت بسهر الليل بطوله . 
ونسيني عذب الكلام
وازاي ومن امتي ماعاد فيه سلام .
وليه ضاع في الدنيا الأمان .
علميني ازاي تكذب عيوني .
علي كل اللي شافوكي
فيهم و صدقوني .
وأنا مخبيكي بجفوني .
علميني ازاي ينطفي
النور اللي فيهم .
اللي كنت بشوف جمال الدنيا بيهم .
علميني ازاي أكدب الكدبه أصدقها .
وانس الحقيقه اللي ربي وربك خلقها .
علميني ازاي اكون أناني .
لأجل ما أأمن لست تاني .
واحتفظ لنفسي بخناني .
وازاي يكون الحب في عرفكم .
لأجل ماأكونشي واحد منكم .
علميني وعلميني وعلمينيصفاء عبد ربه
  • Currently 0/5 Stars.
  • 1 2 3 4 5
0 تصويتات / 35 مشاهدة
نشرت فى 23 يوليو 2014 بواسطة Aboyosefmohamed

ابحث

تسجيل الدخول

عدد زيارات الموقع

266,711