بحبك يا بلدي / بقلم الشاعر / أحمد عبد اللطيف النجار

بحبك يا بلدي ....
بحبك منارة ...
وعلم وحضارة ..
في حضنك نعيش ...
نلاقي الحنان ...
نلاقي الأمان ...
وأرضك تساع ...
البشر والزمان ...
ونقول للي زعلان ...
نقول للي خان ....
بلدنا عظيمة ....
لا يمكن نخونها ....
ولازم نصونها ...
عشان هيا مصر ...
بيتي وبيتك ....
ترابها دا قصر ....
هواها ونيلها ....
كرامة ونصر ...
ولو يوم تعاني ...
وتشكي لزماني ...
لابد نداويها ...
لابد نداديها ...
نمد أيدينا ....
ونمسك أيديها ...
وممكن نجوع ....
ونبكي دموع ....
عشان نشتريها ..!
عشان نشتريها ..!!
وممكن نقاسي ....
عشانها شوية ....
وممكن نقابل ....
ناس مفترية ....
يقولوا عليها ....
كلام مستحيل ...
ويتمنوا ليها ...
تتوه في الدليل ...
يتوه شعبها ....
ويبقي ذليل ...
وتمرض مشاعره ....
وقلبه العليل ....
أماني مريضة ...
في عقل الأعادي ...
حقد وجنون ....
لأهلي وبلادي ....
لكن دي مصر ...
سامعها تنادي ....
تعالوا نمد ....
ليها الأيادي ....
تعالوا نعمّر ....
صحرا ووادي ...
تعالوا نقول ....
بلادي ....بلادي
بلادي .... بلادي 
بلادي .... بلادي 
ونفسي أقول لك ...
كمان يا بلادي ...
شعبك أصيل ....
صبره طويل ...
بيصبر تملي ...
ورزقه قليل ...
وحامد وشاكر ...
وشايل في نفسه ...
همه التقيل ...!
شايل في نفسه ....
همه التقيل ...!
عشان لأجل خاطرك ...
وجبر خواطرك ...
يا ريت تجبريه ....
يا ريت تنصريه ...
برغم آلامك ...
برغم مخاطرك ...
يلاقي غموسه ...
ولقمة في جوفه ...
يلاقي الأمان ...
ويكسر في خوفه ...
وتكبر ولاده ...
في خيرك وزادك ...
وأشوفك يا بلدي ...
تسامحي ظروفه ...!
تسامحي ظروفه ...!
وتحنو عليه ...
تطبطب عليه ....
وحضنك يا غالية ...
يشوفه بعينيه ...
تحسي بأنينه ...
تداوي جراحه ...
ويأس سنينه ....
عشان أنتِ أمه ...
هاتخده تضمه ...
تقول له يا مصري ...
تحمّل معايا .....
وشيل الحمول ...
لست الصبايا ...
عشان بكرة أحلي ...
حكايته حكاية ...
عشان بالأمل ...
لازم نعيش ....
ونكتب سوا ...
ختام الرواية ...!
ختام الرواية ...!!
ختام الرواية ...!!!