عشان الريدة

لا عرفت اقول عليك حبيب

لاقدرت اقول انك عدو

انت ما الزول العشقتو قبيل

الفرح قليبي وأسعدو

دا ما كان طبعك زمان

من وين جبت القساوة

كنت زول جميل تدهش

واللهيج طعمو الحلاوة

كيف يهون الشوق عليك

بعد الحنين تديني الشقاوة

شوف اللهفة كيف حيرانة

تايهة خطاها فاقدة دليلة

والدمعات بتروي الشوق

بي حنية مافي مثيلة

والاحزان حصاد عمري

مع الاشواق غالباني الحيلة

ليه اتبدل فجاءة مسارك

درب الريد خليت مشوارو

حلف قلبك بصدق مشاعرو

ساب ريدي مالو خبارو

عشان الريد انا مجبور

ماانت عيونك قدروا يدارو