ياهاوي تعذيبي وقاصد سهر عيني

ياريت تحن مرة وتجيب قليبي علي

دربي المشيتو معاك طالت خطاوبهو

لوعه وسهر واشواق صعبت حكاوبهو

طرفي المساهر بيك لمرسي رسيهو

حن علي وارحم ما تهوي تعذيبي

نوحي ونحيبي عليك طال حبيبي جفاك

تبعد تصد تقسي تكويني بالاشواق

عايز اطول زهرك خايف من الاشواك

ارجع كفايه بعاد رجع منام عيني

انا والقمر باليل اقدارنا نسهر ليك

حبك بدايتو شقي ونهايتو بكتب فيك

تهوي البعاد والبين ماتهوي تعذيبي