واحد سألنى عايز تموت ازاى ؟

عاوز تموت شهيد

ياتركب طيارة - يا تركب عبارة

عاوز تموت م الجوع

يا تشترى شقة - ياتشترى عربية بالقسط

عاوز تموت من الحسرة

يا تتفرج على الفاترينات فى ستى استار - ياتروح مرينا

عاوز تموت من الغيظ

ياتتفرج على القنوات المحلية - ياتتفرج على النشرة الجوية

عاوز تموت من الزهق

يا تستنى الأشارة لما تفتح - يتستنى دورك فى طابور التأمين الصحى

عاوز تموت من الهبل

ياتخش على النت - يا تسمع نجوم الأف ام

عاوز تموت  مخنوق

ياتروح مصلحة حكومية -يا تقرأ  الجريدة اليومية  

عاوز تموت مفروس

ياتركب تكسى - يتركب دش

عاوز تموت مرعوب

ياتستنى نتيجة الثانوية العامة - ياتستنى نتيجة التحاليل عند الدكتور

عاوز تموت مشهور

يا تتجوز رقاصة - يا تنصب على بنك

عاوز تموت مليونير

ياتعمل فيديو كليب - ياتلعب كورة

عاوز تموت ورا الشمس

يا تشغل مخك - يا تفتح بؤك

عاوز تموت منكاد

يا ترشح نفسك فى الأنتخابات - يا تخش اتفاقية الجات

عاوز تموت م الحزن

يتحط الحكومة فى بالك - يا شجع الزمالك

  عاوز تموت من الضحك

يا تتجوز اتنين - يا تشتغل مع المجانين

عاوز تموت فى حالك

اعمل نفسك ديماً  مش واخد بالك