مرثية الابنودي
مات الخال
اللي في بر الكلمه مشي الف سنه قدام
وفي بحور الشعر
عامي او فصحي
مسابش لغيره مجال
وخلاص
مات الخال
ماتت،معاه
احلي كلمه تقرا جواها الف معني
الغنوه الحلوه والموال
طب من فينا
مسمعش
في الصبحيه
بالسلامه ياحبيبي بالسلامه
ولا حسينا بالمرار
لما قال عدا النهار
واه يابوي علي صوتك
لما تقرأ جوابات حراجي القط
وزوجته فاظمه احمد عبدالغفار
طيب،،،،
الف مليون رحمه
من كذا مليون بيحبوك
من كذا مليون بيشبهوك
ياخال
هيوحشني جديدك
طب هو انا خلصت القديم
ياطعم المرار في حلقي علقم
والدمعه ملحها يكوي الجرح
والاه تطلع م الصميم
اصل محبتش الابنودي
لما اسمعها من قليل فهم
ولا واحد غشيم
دا كان صوت الصعايده
دا اللي،خلي لهجتنا
ترن ف الاذاعه
من صغري
بحب الابنودي
لمااسمع السيره
من عم جابر
وشاعرنا الكبير الابنودي
من اول سنه لبني
لحد ما اتصلب عودي
ومات
الخااااااااااال
اللي حبيت الشعر بيه
وحلمت ابقي زيه
دا البريق اللي ف شعري ضيه
طب هوا في حد زيه
خرس صوتنا،
وعلي صدي صمت غُنانا
علي كل دفتر وقلم شاعر صعيدي
ليك ملامح
صدي اسمك وشعرك باقي
جسمك بس اللي رايح
سبت جوانا حزن كبير
وزودت في القلب الجرايح
