تـــــــوكــيــــــــــــــــل ............ بقلم الشاعر / أبو عمار المصرى

تـــــــوكــيــــــــــــــــل
)()()()()()(
هاتوا ... ورقة 
أمضى لكم فيها على بياض
إكتبوا فيها كل الأخطاء
إكتبوا فيها منى تنازل
هاتنازل فيها 
عن... حضانتى 
وان انا ....مش أم
واستاهل كل اللى جرى لى 
عمى عينى 
تقطيع أوصالى
وان اللى على الأرض وسايل
مش لحم ودم
هاتوب ورقة اكتب لكو تصريح
بجميع أنواع التجريح
والتقطيع ... والتشريح
مارسوا الحرية على هواكم
شيلوا إسمى ف نشرات الأخبار
وشيلوه حتى ... من بطايقكم
ما انتم .... ثوار
أنتم .....أحرار
هاتوب ورقة اعمل لكو ....توكيل
بجميع أنواع الوحشية 
والهمجية
واخترعوا آلات للتعذيب 
والتنكيل
هاتوا سلاسل من نار وحديد
للتكبيل
هاتوا خرطة جديدة بألوانكم
هاتوا الضلمة 
واشنقوا بيها حتى النجمة
مع قمر الليل 
وامسحوا صورتى 
جوة عيونكم
واخفوا دموعكم 
لو باقية دموع
وف آخر سطر انا هامضى لكم
رايحة وعمرى عليكو 
ما هابقى
ولا ناوية رجوع
هاتوا نوتة موسيقية ....بألحانكم
واعزفوا . وارقصوا 
على مواويلكم
رقص الأموات 
................
بــقــــلـــم ا لــــشـــــا عـــــــــــر
أ بــــو عـــمــــــــا ر ا لـــمـــصـــــــــــر ى