<!--
<!--<!--[if gte mso 10]> <style> /* Style Definitions */ table.MsoNormalTable {mso-style-name:"جدول عادي"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin-top:0cm; mso-para-margin-right:0cm; mso-para-margin-bottom:10.0pt; mso-para-margin-left:0cm; line-height:115%; mso-pagination:widow-orphan; font-size:11.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-hansi-font-family:Calibri; mso-hansi-theme-font:minor-latin; mso-bidi-font-family:Arial; mso-bidi-theme-font:minor-bidi;} </style> <![endif]-->
بسم الله الرحمن الرحيم
إن يكون في مشاكل بيني وبين مراتي وبيتنا مش مستقر (كل الناس كدة)
إن يكون إبني مش متربي وصايع أو بنتي تايهة في حياتها ومش محدده هدف (كل الناس كدة)
إني أكون بكدب علي جوزي(كل الناس كدة)
إني أكون شاب وبكلم ستات متجوزين عالنت (كل الناس كدة)
إني أوافق أتجوز واحد وبعد ما أدخل بيته لما يتأخر في الشغل أكلم ده وده عالنت(كل الناس كدة)
إني أكون بنت وقال إية محجبة ولبسي واصفني ومجسمني(كل الناس كدة)
إني أكون ولد ومستحل ضعف بنات الناس و أسرح بكل واحدة شوية(كل الناس كدة)
إني أكون ولد وبكلم بنات كتير عالفيس و أقول م أقبلش إن أختي تدخل فيس أختي متربية(كل الناس كدة)
لما أقبل إني أشغل مراتي وما أساعدهاش في شغل البيت وعايزها تشتغل راجل وست وأقول علي نفسي راجل(كل الناس كدة)
لما أشرب شوية سجاير وشوية مخدرات وأعاكس شوية بنات و أضحكلي علي خمسين بنت و أقول أنا واد أصلي طيب ولو بنت كلمت ولدين أو تلاتة أقول عليها شمال (كل الناس كدة)
لما أسيب بنتي ما أصاحبهاش و أسيبها لكلاب الزمن برة تتكلم معاهم ويسمعوها وبعدين أقول بنتي ضاعت مني (كل الناس كدة)
لما أسيب إبني و أقعد أصده و أعاقب فيه كأنة طفل لحد ما يحب صحابة أكتر مني ومايبقاش بيقعد معايا غير ساعة والباقي في الشارع(كل الناس كدة)
أكبر غلط كلمة كل الناس كدة قول كل الجبناء والفاشلين والزبالة إللي أنا منهم كدة ما تقولش كل الناس كدة عشان أنت ما تعرفش كل الناس إللي يعرف كل الناس ربنا ..عشان ما تجيش في الآخر وتلاقي نفسك أنت بس إللي كدة
