انا خطوه ف سكه طويله
انا لسه قليل الحيله
ومازال الحلم اللى عشقته
بينور خلف الغيم ،،،
ومازال الامل اللى صادقته
بيصاحب روحى عليله
انا خطوه ف سكه طويله
إحساس الحب اللى فى بالى
بيصارع فيا قضاه
وانا عايش فى الزمن الخالى
با أتصارع ويا حياه
والآمى تدوب فى امآلى
وتدوب قلبى معاه
بخطاوى تقيله هزيله
مانا خطوه ف سكه طويله
الوقت يمر يحسسنى 
برحيلى كإنه سكون
والليل متعود يحبسنى
وساعاته قيود وسجون
وطموحى العاجز يلمسنى
أعجز عن إنى أكون
غايه ولا حتى وسيله
مانا خطوه ف سكه طويله
م س