زوّار نحنا عا الدني جينا 
وياما برحلة عمرنا شقينا 
لولا بقدرنا جنّت الارياح 
صعبة رياح الظلم ترمينا 
واٰحلامنا لو ضيّعو المفتاح 
من الصعب يقضو عا اٰمانينا 
نحنا عملنا من الكلمة وشاح 
تا الشعر يتوّشح اسامينا 
نحنا عطينا بسمة الاٰفراح 
مشعال تا تضوّي ليالينا 
بثورة التغيير نحنا سلاح
الكلمة سيف وبعد ما نسينا 
كتّابنا اللي راح منهن راح 
وبقيت سيوف الفكر تحمينا 
ولمّا الشعر ببلادنا بينزاح
من بلادنا مجد الفكر بيزيح
ولو زاح رح تبكي روابينا
عادل بدّور