بعض روائع الشاعر المميز ......مصطفى سالم
*******************
عينى عليك يادى الجدع
كل اللى حواليك إتخدع
فاكرين آهاتك دى غنا
وهى من كتر الوجع
م س
***
الغربه كوربه والغريب مسكين
بيعدى وقته هناك كإنه سجين
تلقاه بيحسبها بالدقايق والساعات
مستنى لحظة الرجوع ما تحيين ،،
م س
***
انا قلبى شايل م العزاب أحمال
ماشى لوحدى لا قريب ولا خال
والحمل ده لو فوق جمل كان نخ
والصبر لو كان من جبل كان ،، زال
م س
***
الرزق مش مال وجاه
وعمر وخلاص تحياه
الرزق إحساس رضا
وإحساس ب انس الله
م س
***
