على دلعونا وعلى دلعـــــــــونا
الصيفيّة بتخلص وبشوفك هونا
..........
كلاّ كم جمعة والصيف بيخلــص
وبرجع بشوفك حاجي اتمرمس
من هالصيفيّة صاير متحسّس
بعدّتك عنّــــــــــي والبعد جنونا
...........
عالجرد طلعتي شهرين تلاتي
من يوما خلقتي عقدة بحياتي
كل مدّة بدّي عيد حساباتـــــي
ت شوفك مرّة وتشبــــع العيونا
....................
الحكي عالهاتف ما عم ينفعني
والشوق بنارو عمّل يحرقنـــــي
كل م بحكيكـــــي قوّة بتدفعني
عدّي لعنـــــــــــدك ت حدّك كونا
..............
والجرد العالي من بالك شيلــي
ع بالي تقضّي الصيف مقابيلي
أحكي أشواقي وانتي تحكيلي
زهقت من الحكـــي عالتليفونا
سايد -س - سابا