ما في صداقة اليوم او حتى صديق 
بعدو بخبّي السر بالبير الغميق 
كنّا باٰول عمرنا اللي راح
نعيش الصداقة ما نلاقي نهار ضيق 
كنّا على كتاف الوفا نرتاح
ويرتاح معنا الظرف لو كنو دقيق
كانت النَغْصَة تموت ب الافراح 
وكان الاٰلم يغفى على نص الطريق 
كنّا نشيل من القلب مفتاح 
ونفتح بواب الصدق بالبيت العتيق
صرنا نعيش ب مجتمع اشباح 
ونحْنّ ل اٰنسان باٰصلو عريق 
صار القلب مليان كلّو جراح 
وبطّل رحيق الحب يتسمّى رحيق
وطير الوفا ما عاد عندو جناح
وصار بَنّا بالفتيلة والسراج 
نفتّش تاحتى نجيب ل اٰلنا صديق
عادل بدّور