عشانك عفيفة
عشان ما انت طاهرة وشريفة وعغيفة 
وعشانك نظيفة 
عشان طول حياتك مكافحة وصبورة
عشان ليكى راجل 
بيخاف م الحرام
وضابط حياته بوقت الأدان 
هيتقال عليكى
كتير الكلام
لو قالوا غرورك فمعناه حياءك 
لو قالوا عبوسك عشان انت راجل 
وهتموتى راجل 
فسيبي المياعة لأهل المياعة
وسيبى النطاعة لأهل النطاعة 
وسيبى البضاعة الرخيصة عشانهم 
وصونى بضاعتك
ولو كلموكى أهل الوضاعة 
سكوتك رصاص بيحرق صدورهم 
ويطفى اللى باقى شوية ف نورهم
فاوعى تراضيهم 
رضاهم هلاك
مهوماش ملايكة ولا شيوخ طريقة
ميسكن قلوبهم غير الحريقة
على كل ناجح 
نجاحك فى دينك 
ثماره ف عيالك 
وحق اللى سالت عليهم دموعك
حبابيبك
بجد
ميكون اعتبارك فى مرة
لحد
ميعرفش معنى الرجولة الحقيقة
هيبيعك فى ثانية 
كتيرة الدقيقة
اقولك حقيقة 
مستمعيش فى ليلة لكتير الكلام
قليل فى فعله 
وزكره حرام
ده لو مش حرام 
احكيلك تاريخه
منصور عبد المقصود الشاعر