{©}{©}. الخايبه عامله لمونه. {©}{©}
لمونه ف بلد قرفانه
تطلبها تقولك عيانه
ولو يوم اشتغلت
تبقا طول اليوم دبلانه
دي واحد من كتير
المرار عندها قوارير
شايلاه عندها لعوزه
وكل حاجة ليها تدبير
حاول كده تناغشها
او تقومها من فرشتها
يبقا مرارك طافح
وصعيبه تبقا عيشتها
سيبها نايمه وسيبهالها
لانها ياصحبي ولا علي بالها
تعفن فوق فرشتها
ياخرابي لو ضيف جالها
تحتاس في شبر ميه
كوبايات تتكسر قول ميه
والاخر تعصرله لمونه
وتقولك سيبني بقمع باميه
واخرتها ويا الزبونه
تفهمها تعمل مجنونه
حالها كده عاجبها
وعامله فيها لمونه
بقلم الشاعر.. عادل عباس.. المحامي