مساؤك ورد ياحبي 
وعطر بدخلتك يفوح 
مساء بصوتك الشادي 
خفايا صوتك المبحوح
زهور بوجنتك تحكي 
شذاها بالوصل مسموح 
يا خلي دربنا صعبه 
واصعب غربتين بروح 
امانينا رسمناها بنيناها 
وبطيبك نسترد صروح
وشمس الحب ماتغرب 
اذا باقي مساك يلوح 
اشوفك في المساء فرحة 
ومن روحك بخور يفـــوح 
ونظرة عينك تاخذني 
لأماني بابها مفتوح 
وانا أشهد ان مساك أنت 
يرد الروح 
تمنيت المسا وياك
يبقى شهور 
مساء عمرك مع عمري 
نبض مايفتــرق بالنــوح 
ونور من الفرح ضاوي 
يشفي القلب من الجروح 
ولو غبت يوم عن عيني 
مساك يغيب 
وقلبي يكسر الخاطر 
ترى قلبي يبات مذبوح 
احبك حب ياعمري 
ماله حدود 
وحبي لك بدا واضح 
وسري بالهوى مفضوح 
عسـانا بالهوى نبقى 
ونعيش من العمر واجد 
مثل عمــرنبينا نـوح