عن البنت اللى كات عايشه
وقافله قلبها المكسور
عن البنت اللى مش راضيه 
تشوف مشاعرها مره النور 
وكرهت حتى سيرة الحب 
وشايفه الحب كله شرور
وفجأه تلاقى حب جديد
يغير طعم ايامها
يفتح وردها تانى 
وتشرق شمسها بالنور
تطير تانى كما العصافير
باحلامها وفرحتها 
وتحكى لبنت صاحبتها 
تبان الفرحه ف عينيها 
وإن الدنيا صالحتها
وتحكى للنجوم عنه 
ولو نامت نامت بتحلم بيه
وتصحى تلاقى مية رنه
تقضى اليوم تصالح فيه
وتقوله انا عايشه عشان حبك 
والكون دا بحاله وكل مافيه
وفجأه تفوق من الاحلام
وتلقى الدنيا هياها
وإن الجرح باقيلها 
وان حبيبها ينساها